Wir stellen vor
Meta Paulsen

Tante Meta Paulen ward 97. Johr olt.
De 28. Juli ward Tante Meta P. op Schütting 97. Johr old. Se entstammt een ole Seefohrerfamilie. Ehr Vadder weer de Kaptein Detlef Selmer un de Grotvadder Peter Jacob Selmer, de 1865 de planmäßige Schippverkehr na Pellworm mit de Raddamper "Husum" op eegen Räken anfung.
To School gehn se in de Sielsschool, wor in de niege Kark konfermeert, 1913 heiratet se de Dischlermeister Peter Paulsen un trock mit ein nat Schütting in dat Hus, wo se vondag noch wahnt. Ehr Mann weer een ganze düchdige Dischler un weer vör een akurate Stück Arbeit bekannt, keen Wunner, dat he denn ock dor fragt wor, wenn tom Biespill de wertvolle Kanzel in de Ole Kark restaureert warn schull. Geborn worn se dree Deerns, Sophie, Paula un Anita. Ehr Mann storv 1970 un as denn in ditt Johr ehr 18jährige Enkel verunglückt, so weern dat swore Stünnen för Tante Meta. Gesundheitlich geiht de Jubilarin dat richdi gut. Se hett väl Arbeit makt in ehr Läwen un dat makt ehr vör een poor Johr noch gorniks ut, de 7 Kilometer vont Schütting nat Siel un torück to Foot to loopen. Un bit vondag is dat eegen Fohrwark noch rech gut, wenn se sick ock nich mehr wiede Wege totrut. Se makt noch jeder Dag ehr Frieöbungen, de ehr mennigeen, de jünger is, nich namakt. To düsse körperliche Utgliek kümmt de gude Pläg dor ehr Dochder Paula, mäßig äten, een gude Tass Tee un nich toletzt een grote Gottvertruen sind dat Geheemnis, dat unse Geburtsdagskind noch jümmers so krall is. Uter väle Pellwormers groteleern ehr dree Kinner, dree Enkel un 5 Urenkel un ock de Pellwormer Inselzeitung to de hooge Geburtsdag.
A.D.

>> zurück zum Inhaltsverzeichnis Inselzeitung Pellworm >>

copyright 2005 by creative - edesign pellworm