Rückschau Theaterstück "Mudder steiht ehrn Mann"

Pettworm: Dat weer Lang her, dat de Husumer Speeldeet sick op Pellwarm sehn taten harr! Nu awers keem se mit "Mudder steiht ehrn Mann" un hett de Pellwormer Gäste un de Inwahners een feine Awend makt, worto ock de Fürwehrkapell mit schneidige Musik bidragen hett.

Maria Lucht as Vörsittersch von de Ortskulturring begrötet all, de kamen weern, de Speeldeel to beläwen. Se freut sick, dat de Spälers sick de Mögde makt harrn, na hier to kamen as ock ower de vullbesette Frietiedschün. Dat weer schön, to wäten, dat dat Interesse, de Pläg un dat Biholn an unz' schöne plattdütsche Mundoart op Pellworm noch grotschräwen ward!

In een Tied, wor allns in de Fernsehkasten glupt, wor bald keener sick opraffen kann, sülm de grötste Schiet mit een Knoopdruck sick von de Hals to holn, weer disse Opföhrung een Beläwen! Schön weer dat, mal weiter een lebennige Laienbühne - un wat vör een! - vör sick to hem. Un alt de, de sick unse schöne Heimat mit all ehr Eegenheiten besunners verbunnen föhlt, hem weller eenmal mehr spört: Een Opföhrung in unse Mundoart de dorto noch in unse Gegend herinstellt is, is mit alt sien lötje Schlitzohrigkeiten un verbüdlichte Wohrheiten utdrucksrieke, de Modersprak weckt op de direkte Weg Geföhle un Empfindungen, as dat dör de Schriftsprak nich möglich is!
De SpeeldeeL stellt ehr Stück as en Ko-modi vör und ganz säker is dat een fröhlie Stück. awers doch mit väl sinnige un nahdenkern Partien. Un schult nich mennigeen, so in de dree Jungs un Aalheid, viellicht ock Opa Fock un - viellicht ock Lene Pott mit ehr Rappel - sick in de eene oder annere Aort wellerkennt hem? Awers ock so eenige plattdütsche Utdrücke harrn dat in sick: Tom Biespill, wenn eener unto-verlatt Snack von sick gifft un dat heet: Dat ward seggt, denn weiht dat weg -un denn is dat weg! (Wor gut weer dat mennigmal, wenn dat richdi so weer!) oder:
Wenn dat nu so is as dat nich is, denn is dat ock woll ganz anners! Oder awers, um op de nahdenkern Städen intogahn: Mitunner is dat Weenen ebenso schön as dat Lachen! Un noch eens hett sick bewohrheitet: Plattdütsche Theater kümmt nich bloots bi de an, de de Mundoart snackt, ock de hochdütsche" Gäste hem sick köstlie amüseert!
Välen Dank an de Spälers, de ut Spaß an dat Theaterspäln sick op de Bühne stelln, ehr Frietied dorför hingäwen un so menni Unbill in Koop nähmen, um annern wat to freun to gäwen. Wor gut se ehr Saak makt harrn, bewiest de Applaus! Schön 13 dat för se un uns to wäten: .PLattdütsch Sprak un Oart lävtl«

>> zurück zum Inhaltsverzeichnis Inselzeitung Pellworm >>

copyright 2005 by creative - edesign pellworm