Ole Fründschaft mit Pellworm

F. Wilhelm Gohde, Mannheim Die Pellworm 4 fährt jetzt unter dem Namen "Nige Oge" von Cuxhaven nach Neuwerk

Eenes Nahmeddags in't Kriegsjohr 1915 keem en junge Mann von de Bahn un güng de Dörpstrat henlang. He wär mit de Veer?Zug von Heide kamen Un söchte wat ungewöhnli. He drog en brune Sammtjack, darto en graue Büx ut handweewte Wullstoff un en witte Hemd mit en open Krag. Dat blaue Afteeken mit de sülwern Vagel Greif wieste em as Wandervagel ut. He fragte en Jung, de an de Gordenport stünd, ob he wüßte, wo de ole Fru wohnen künn, de he söchte. De Jung kennte de Fru nich, seggte awerst, he schull mit in't Hus kamen, viellicht wüßt sien Modder dat. Bie jem keemen oftmals Wandervagels, denn sien Geswister hörten dar ok to. De junge Mann folgte ein denn ok in't Hus, wo de Fru ein an de Dör herinbeedte. He stellte sick denn ok glieks vör: "Ick bün Hermann Newton Paulsen von Südroog". De Fru wüßte dörch ehr Kinner von Süderoog un nehm ein fründli up. Ehrn Mann, de Dokter, wär in de Krieg un se harr dat Hus vull von Kinner un en lüttje Landwirtschaft darbie, de se mit en Knecht versorgte. Dat wär in'n Harwst un Kantüffeln un Röben schulln nötwendi herutmakt ward'n. Hermann Pautsen bleew dar bet se darmit trecht wären. Dat wär de Anfang von en lange Fründschap, de veele Johren hendörch bestalinhet, bet to Hermann Paulsen sien End. Dörch ein sünd wie flieti na Pellwom kamen, den meersttiets föhrten wi mit de "Pellworm" von de Husumer Haben heröwer na de Insel um müßten denn mit Liermann oder en Seilboot na Süderoog. 0l Lierrnann, de jeder Dag de Post na Süderoog bröchte, hett uns mitnahinen un uns .veel von de See un von Pellworm vertellt. In latere Johren, as wi von Amerika torüggkamen wären, wör dat en richtige Frünschschap mit de ole Mann, de gar to gern von sien eegen Tiet in New York vertellen mochte. Wi hefft ein öfters up Pellworm besöcht Lind sien lüttje Museum bewunnert. Mien Fru und ehr Fründin makten 1920 en Halligtour un keernen mit en Seilboot von Langeness na Pellworrn. De Schipper sette se bie de Nordermöhl an Land und so sochten se en Platz, wo se öwer Nacht blieben künnen. De Schipper harr jern vertellt, datt de beiden Döchter von Möller Petersen ok Wandervagels wären. Dar schulln se man toerst mal anfragen. Se fragten denn je, ob dar nich en lüttje bat Heu war, wo se slapen künn'n. "Nee, seggte de Möllersch, nich en lüttje bat, awerst ick heff en Bett! Wenn jüm na en lüttje Wiel wedderkamt, denn is dar sacht ok noch en bäten Koken un Melk för jern. Ick heff in'n Ogenblick Besöck to Koffee". De beiden Deerns badeten erstimal un keernen denn to Abendbrot herin. Se wor'n fründli upnahmen un kreegen düchti wat to eten. Dat war nämli um de Tiet, as up't Fastland allens knapp wär un so langten se düchti to. As dat nu Tiet wär to Bett to gahn, geew dat en lustige Öwerraschung: De Betten! Mit en lüttje Ledder mußten se in de hogen Fedderbetten kladdern. Dat war je wat ganz Nieges. De nächste Dag bröchte Liermann de beiden röwer na Süderoog. För mien Fru wär dat de erste Bekanntschaft mit Pellworm un mit de Lüüde, de för jerre Fründlikeit un Gastfrieheit bekannt sünd. Na de letzte Krieg bün ick denn oftmals up Pellworm west, as ick mit mien Familie in Schobüll wohnte un? mien Brot as Gordener un Obstboornpleger verdeente. Wo mannimal bün ick mit mien Warktüch un de Sprüttenpump mit de ole "Pellworm" na de Insel föhrt! Oftmals harr ick dar länger to doon. Denn wohnte ick bie unse Fründ Peter Tierarzt in Waldhusen. Dörch mien Arbeit lernte ick en ganze Reeg Pellwormer Lüüde kennen, de mi jümmers fründli kamen sehrt. För mi un mien Familie is Pellworm en wunderschöne Ferien Insel wor'n un. för jedereen, de sick för de Vagelwelt, de See un de Landwirtschaft interes seeren deit, för de is dat en richtige Paradies. Ok Fründe, de ick toradt heff, mal up Pellworrn Ferien to maken, sünd jutinners gern wedder henföhrt. Jedes Johr, wennt irgend niogli is, kam Ick wedder!

>> zurück zum Inhaltsverzeichnis Inselzeitung Pellworm >>

Deprecated: Function ereg_replace() is deprecated in /var/www/wdpellworm/kunden/iz/libs/utils.php on line 501

Deprecated: Function ereg_replace() is deprecated in /var/www/wdpellworm/kunden/iz/libs/utils.php on line 502

Deprecated: Function ereg_replace() is deprecated in /var/www/wdpellworm/kunden/iz/libs/utils.php on line 503

Deprecated: Function ereg_replace() is deprecated in /var/www/wdpellworm/kunden/iz/libs/utils.php on line 504
Es wurde noch kein Suchbegriff eingegeben.

copyright 2005 by creative - edesign pellworm